Hawaii Holomua, Volume III, Number 140, 16 Ianuali 1893 — HE MOOLELO EEHIA NO KE KANAKA-AUWANA O KE AU KAHIKO. [ARTICLE]

HE MOOLELO EEHIA NO KE KANAKA-AUWANA O KE AU KAHIKO.

MOKUNA VI. NO MAIIANA E noho ana ka moiwahine Mariana maluna o kekahi noho alii nani, a o kona mau helehelena ui me kekahi uhi kai-ina, a he apu gula ke hoopuni ana i kona umauma a me kona mau lima. He ui oia a me ka nani palena ole i ka ike aku a na mea a pau, aohe ona lua maloko o ke anaina holookoa ma ka aoao o na wahine, a ma la ano, ua nui na keiki opio i hoomalule ia ko lakou manao nona E ehueha aua ka naau o ua poo opio la ina he hookahi minoaka ana a ka moiwahine Mariaua imua o lakou, a e noho mau aua ke kuko iloko o lakou no ua moiwahiue la. Ma kona aoao e noho ana kona kaikunane ka moi Parao Ma napata, a he mau helehelena ui no koi kona i ukali aku mahope o ko ka moiwahine Mariana, a na kohu like maoli no laua ma na ano a pau. He kanaku oiwi kino maloe- | loe oia, a he mau nanaina kona o ke koa a me ka wiwo ole, a he hopo ole hoi imua o na enemi, aka, aia nae ma kona mau helehelena e halii mui ana na alina o ke kaumaha. Ma ka ke Kauaka Auwana hoomaopopo aku no ua moi la, aia he noonoo ano nui iloko ona no kekahi mea ana i inaina ai, a oia ka mea nana i hookaumaha i kona manao, a o kekahi no hoi, ua nana aku oia ia Mariana me na maka hoihoi ole. He nanaina kamahao keia o na Parao nei, a ua lilo ia i mea e haohao ai ka naau o kekahi poe nona, aka. no Odesene nae, aole oia i hopohopo iki no ia mea, oiai oia e noho ana ma ka aoao o ua moi ia. Me he mea la, ma kona hoomaopopo iho, ua kaumaha ia paha kona manao no kela kulana o ka moiwahine Mariana la lakou i halawai mua ai, a ma ia ano, ua komo paha kekahi hoohuoi iloko ona no ua Kanaka Auwana la.