Hawaii Holomua, Volume III, Number 120, 15 December 1892 — KELA HALE POHAKU KA MAHA’O. [ARTICLE]

KELA HALE POHAKU KA MAHA’O.

0 kekahi poe ma Kilauea, Kauai, i ko lakou lohe i ka ehia ana e ke kai a ike ia kela hile pohaku kahiko o Lohiau ma Haena, ua hele koke aku la lakou raa ka la Sabati, la 4 o keia mahina, no ka ike kumaka ana i kekahi o na mea pana kaulana o Kauai i ka wa kahiko, aka nae, ua hookahaha loa ia mai lakou. no ka mea ua kanu hou mai la ke kai a nalowale ua hale pohaku ’la mahope iho o Kona ike ia ana no heokahi pule pokole wale no. Ua kuhikuhi mai la na kamaaina o Haena i kahi a lakou i ike ai i ua mea hoomanao ’la, aka nae aole lie hookahi mea mawaena o lakou i aa e eli hou. Mamuli o ko lakou ike ana he pohaku pilikua ua pohaku la, a he ku no hoi i ke aiwaiwa kona nui, ahe hana paakiki loa na lakou ka hapai hou ana mai i ua pohaku ’la iluna. aia wale no a he heluna kanaka nui hewahewa, alaila hiki ka manao ana pela, a o kekahi no hoi, malia paha he mau hana hookalakupoa , keia, a e like me ke kamaha’o o kona hoea ana mai. pela no hoi ke kupanaha o nalo hou ana aku.