Hawaii Holomua, Volume II, Number 16, 16 April 1892 — I KO MAKOU POE KAKAUMANAO. [ARTICLE]

I KO MAKOU POE KAKAUMANAO.

He mea j>ono ika poe apau he mau manao ko iakou e hoouna mai ana i keia pepa, ina nae eia lakou ma Honolulu nei. e hoomaopopo i keia rula a makou e hoike aku nei. Ina eia i Honolulu nei ka mea nona kekahi manao i makemakeia e hoopukaia ma ka makou pepa nei, alaila, aole e ae ia e hookomoia ma loko oka pepa, aia a haiawai kino makou me ka mea nona ua manao la. Oke kumu o keia rula ana, no ka loaa mai o kekahi mau manao ia makou mai ka lima mai o kekahi poe okoa aku, me ka hiki ole ia makou ke ike aku ika mea nana ponoi ua manao la. Oua mau ma nao la i kekahi wa, he mau olelo pilikino loa kekahi i na hoaioha ame ua makamaka, aua hiki ole hoi ia makou ke hoomaopopo i kekahi wa, me ka maoao maikai, a maikai ole paha i kakauia ai ia ma nao, aia wale no ka hiki ia makou ke ike ia mea a halawai kino makou me ka mea nana ua palapala la, alaila, hoolahaia. E hoomanao ko makou poe kakaumanao o Honolulu uei i kela rula, i ole e hilihewa na hana.