Hawaii Holomua, Volume II, Number 15, 9 ʻApelila 1892 — O KA MALAMA KEIA 0 APEHILA. [ARTICLE]

O KA MALAMA KEIA 0 APEHILA.

E like me ka nui o na mokupuni i loaa na helu like ole o na malama ma ka helu Hawaii, pela no i lehulehu ai na inoa i pana ia ai no ka | malama o Aperila nei ma ka helu Roma. Oia hoi. ma ka helu a Ha- . waii o "Welo” keia malama, ma ka Maui helu hoi o “Kaelo” keia, ma ka Oahu nei o “Makalii” keia, a ma ka Kauai o “Kuulua” keia. Ma ka helu hoi a ka HaleNaua. o ‘ Hinaiaeleele” keia, oia hoi, “ke keiki manu a Hinawaikolii.” Ua kaoaia keia malama o “Kaelo” mamuli o r.a huhui hoku i kapaia o “Na Hiku” (Huhui), oiai, o ka malama keia e aneane ai ua hu hui hoku la e napoo. a oia hoi ka hoelo ana oua huhui la e moe. Ua oleloia hoi, he malama keia e lawaia ai no ka malie, lawaia ka po, j lawaia ke ao, aohe wa e maloo ai ke aho, a ua kapaia o ke “aho pulu.” He maikai ua mea ulu i keia malama, he ulu ahe lipolipo. Ma ka helu hoi a ka haole, he malama hoomaniha keia o na pomaikai. Ua oleloia he malama k{|pono keia o ka hanai a hoopulapula pipi. O ke kanaka e hanau ana iloko o keia malama, he kanaka ino, he nuha, he hoohalahala, a noonei kanaka i oleloia he kapulu —O Kaelo ke I kane, o Pulukaelo ka wahine, hanau kanaka kapulu. O ka pau ana keia o na malaina eono o ke Kau Hooilo.