Hawaii Holomua, Volume II, Number 184, 20 January 1892 — NO KA NUPEPA PUKA LA HAWAII HOLOMUA NO KEIA MAKAHIKI 1892. O [ARTICLE]

NO KA NUPEPA PUKA LA HAWAII HOLOMUA NO KEIA MAKAHIKI 1892. O

Mamuli o na hoopononono hou i hooholoia e na Luna Alakai o ka nupepa puka la HAWAII HOLOMUA no keia makahiki 1892, ke hoolaha aku nei makou i na mea i hooholo ia, a he mau Rula Alakai hoi ia no ka makou pepa nei no keia makahiki. RULA PAA—He Kuike ka Uku Pepa. NO NA LUNA—E hoomanao ko makou mau Luna Lawe Pepa, mamua o ka loaa ana aku o kekahi pepa mai a makou aku e uku e mai lakou ia makou i ke kumukuai o ka huina pepa ana i makemake ai ma ke DALA KUIKE. O na kauoha a pau no ka makou nupepa puka pule, e hoouna pololeia ia mai ia mau kauoha i ko makou Kakauolelo, me ka hoouna pu mai me ka uku hookaa mua. No ka Makahiki Holookoa $2.00. No Eono Malama 1.00. Aole e hoouna ia aku kekahi nupepa ina he kauoha wale no ke hiki mai, aole ke dala. O ka poe i hoouna pololei mai i ka lakou mau dala ia makou, o lakou ka makou e hoouna pololei aku ai i ka nupepa ma ke ope pakahi. E hoomanao ko makou mau luna lawe pepa puka pule, e haawi ana makou ia lakou i hookahi wale no malama e hoaie aku ai i ka pepa, a ina e kaa ole mai ka uku pepa iloko o ia manawa, e hooki ana makou i ka hoouna ana aku i ka pepa, koe wale no na pepa e like ka nui me na dala i loaa mai ia makou. Aole nae ma ka owili pakahi, ma ka inoa no o ka luna. O na Bila Dala Hale Leta a pau e hoouna ia mai ana no na uku nupepa, e hoopaa ia ma ka inoa o Mr. J. K. Kaulia, aole ma ka inoa o kekahi mea e ae; aka, i ka hoouna ana mai nae i ko makou nei keena, e kakau i ka inoa o ke Kakauolelo ma ka wa-hi.