Hawaii Holomua, Volume III, Number 3, 14 January 1892 — HAKUIA NO KA HON. JOS. NAWAHI. [ARTICLE]

HAKU IA NO KA HON. JOS. NAWAHI.

Kaulana ko moho e Hawaii Ma na welelau o ka honua Ka hoku loa oe o ka hikina Nelekona o ka Pakipika Aloha oukou a pau loa E o’u mau hoa makaainana Ke au nei au i ke kai loa Me na keiki o ka aina Aohe makamaka aohe hale Eia i ka moana kai lipolipo Aia oe la ke alo ala Me ou mau hoa i ka inea Ke Akua Mana Loa kou kokua Ke aloha o ka Haku kou alakai A ka hora elima kakahiaka Ike ia Kauwiki mamua pono A ka hora eono o ke ao ia Hui aku makou me Kalaukina Ninau mai nei e ke Kapena Owai nei malihini nui O Nawahiokalaniopuu Lunamakaainana o Hawaii Na ka manu nunu a i lawe mai Lohe aku nei kai o Kahului E hai aku ana i ka mea hou Ei ae e ka moho a ka lahui Haina ia mai ana ka puana Keiki aukai o ka moana Kaulana e ka moho a o Hilo-one Ke aloha lahui oi kelakela Nana i alo aku na kai loa Na ohuku ale o ka moana Ua ana pono ia na huahelu Na lakiku ma ka akau E ike aku ai ia Kauwiki Na hono kaulana a Piilani O ka hele ana ia aia eu Hookele akamai o ka la ino Keiki noeau alo ehuehu Paio i ka ua me ka makani Nelekona kou hoa e kohu ai Nana i lula na ale ahiu la oe hookahi kau e ka weli Ua naka haalulu na enemi No ka la hiki ae ma Kumukahi No Kauakanilehua o Hilo Hanohano ke kanaka o ka aina Papahi mau no i ka lanakila Hauoli na kini o Hanakahi Ua ko ka iini o ka Lahui Ua mau ke aioha i ka Aina I ka Noho Moi o Liliulani Haina ia mai ana ka puana Ke aloha lahui oi kelakela. — Kaulana mai nei Waiakea Na hoohiwahiwa a ka Lahui Nowai neia waa kaulua No Nawahiokalaniopuu Ua kohu pukoa no ka moana Ka nenee malie i ka ilikai Hookahi mea nani a’u i ike Kukui he uwila a i ka moana Ua loheia mai ma ke Telepone Hapalua o ka po hiki mai oe Eia ko moho la e Hawaii Ma ka hope haaheo o Kinau moku Na ka Elele oe a e kii aku Eia ko waa la kau iho He makana keia a ka Lahui Ua sila paa ia i ka puuwai O ka hae Hawaii ka’u i ike I ka welo haaheo i ka ilikai A kai makou o ka uwapo E haawi ke aloha lulu lima Na ke kaapio oe a e lawe aku Ike hou i ka nani o Homelani Haina ia mai ana ka puana Nawahi e ka moho ola Hawaii. Kaulana mai nei o Nawahi Lunamakaainana a ka Lahui Kui aku ka lono i Honolulu Ku i ka olioli na paemoku Eia e ka Lunamakaainana Na kohoia mai e Hopoe Hiipoi ia mai e Haena Lulu lima pu me Hanakahi Hookahi puuwai o ka Lahui Lilo i mea ole na enemi A ka hora eha o ke ahiahi Haalele i Kauakanilehua E haawi ke aloha lulu lima A au aku oe i ke kai loa Aohe ou loa e Hawaii I ka haulani a ka huelo boti Lula ia na ale o ka moana A hiki i ka Ua Lani Haahaa Kau aku ka manao no Wailuku lke i ke kai holu o Kahului

Ilaila makou i lohe mai ai Na Kelaukina oe a i lawe aku A hiki i ke awa o Honolulu I ka uluwehiwehi o ke kaona A ike i ka maka o ke aloha E kakali mai ana o ka hiki aku Haina ia mai ana ka puana Luuamakaainana a ka Lahui. Haku ia e na Kupa o Kauakanilehua o Hilo. —