Hawaii Holomua, Volume III, Number 2, 7 January 1892 — MOKUNA X [ARTICLE]

MOKUNA X

KA POE KIPI. Ia AbuZamara i haalele aka ai i na paia o ka halealii, a hele hookahi aku la me ke ano malu, e like me na mea a kaua i ike mua ae nei ma kekahi wahi o ka mokuna i hala, ua hoohuli ae la oia i kona mau kapuai no kekahi aoao o ke kulanakauhale kahi hoi i paa pu o na hale i kukala kahiko ia, he mau haneri makahiki i hala no.

manoanoa, ma ka aoao o kekahi pa pohaku nui kahiko, ma ia wahi ua kiaaina la i kikeke aku ai mawaho o ke panilaau i uhi ia i ke kepau me ke kumu o kana pahikaua. Aole i liuliu mahope iho, aia hoi lohe ia aku la ka leo nunulu o kekahi ilio maloko mai, mahope iho o ka hamare hou ana aku me kana pahikaua. Ua hoomau mai la no ua leo nunulu la i kana hana e like me mamua, a pela no hoi ua Abu Zamara nei i hoomau aku ai i ke kikeke ana e like me mamua. A no kekahi manawa mahope iho, aia hoi panai ia mai la kana kikeke e kekahi mea maloko mai, a he manawa ia na ka maluhia e hohola ana ma na aoao a pau, a no na sekona elua paha mahope iho, kamailio aku la ua Abu Zamara nei i kekahi mau huahelu hoailona me ke kahape'a ana. Mamuli o kela huahelu kamahao, he manawa ole ua wehe ia mai la ua puka nei a hamama, a pae pu mai la no hoi kekahi leo mailoko mai o kahi a ka pouli e uhi ana i ka ninau ana mai penei: Heaha kau i makemake ai ia'u i keia hora o ka po? A owai hoi oe e ka malihi? Owau ka mea a oukou e makau ole ai, wahi a ka pane. O ka poe hea keia e kamailio mai nei? i hoomau mai ai ua mea la i ike ole ia i kana ninau aua. O ka poe i hoopaa mai ia lakou he poe oiaio a hoolohe, wahi a ke kiaaina. Ina pela, ua pono! wahi a ke kiai puka iaia i oili mai ai iwaho me ke kukui hele po e paa ana ma kona lima. He kanaka kino nui puipui oia, e komo ana hoi i ka aahu o ka poe kalepa waiwai, a ma kona nanaina ua hoike mai ia i ke kiekie a me ka hanohano o kona kulana. E kuu haku o Cazela, wahi ana mahope iho o ke komo ana aku o ke kanaka malihini, e kala mai oe ia'u ko ka'u mau ninau kikoola ia oe, aka, he mea pono ia'u ke hooko i ka hana me ke kue ole i ke kauoha. Ua hana oe i ka mea pololei, a aole he mea nana e hoahewa ia oe ma ia mea e Muza. Oiai, aole loa oe e hiki ke wehe i ka puka ma na ano e ae, aia wale no a pane pono ia kela mau ninau a me kela mau huahelu hoailona, a ua mana ia maluna o na mea a pau e like me makou. Pehaa, he nui no anei ko kakou mau hoaloha i hiki mai nei i keia po? Ae, e kuu haku, he noi lakou i hoea mai nei, a e ike oo oe nou iho ke hikl oe no kahi e malama ia la na hana. Ina pela, ua pono! Nou nae, e noho malie oe ma kou kulana— oiai, oa hiki no ia'u ke hele no kahi o ka hana me ke ake ole aku i kau kokua ana mai. Me kela mau huaolelo, huli ae la ua AbuZamara nei a hele aku la ma kekahi ala ololi, a ma ka ho puna o ua alahele la, komo aku la oia iloko o kekahi hale lua, a e ha[illegible] [illegible] [illegible] [illegible] [illegible]