Hawaii Holomua, 2 Mei 1891 — REV. L. H. KULIKA. [ARTICLE]
REV. L. H. KULIKA.
Ua loaa mai ka lono no ka make ana o Rev. Dr. L. H. Kulika, ma Springfield, Masekuseta, Amerika, ma ka la 8 o Aperila iho nei. E hoomanao ia ana oia e na kanaka Hawaii ma ke ano, he koo ikaika no ka pono o Hawaii nei iloko o kona mau la e noho ana me kakou. He kanaka Hawaii oia ma ka hanau ana, oiai, ua hanau ia oia ma Honolulu nei ma ka la 30 o Maraki, 1828, a o Rev. Peter J. a me Fanny H. Kulika kona mau luaui. He 21 makahiki ae nei kona nalo ana mai kona aina hanau aku, a iloko o ia manawa, ua paa mau oia i na hana a ka Haku mawaena o na ano lahui lehulehu, a o kona kahua hana hope loa mai nei, mawaena no ia o ka lahui lapana. He nui kana mau hana no ka Haku ma Hawaii nei, a ua lilo ia mau mea i kia hoomanao nona.