Ahailono o ka Lahui, Volume I, Number 24, 6 Pepeluali 1890 — Kela a me Keia. [ARTICLE]

Kela a me Keia.

Ua puka na moho aka Lahui, Huro ! Huro—huro ! Amama ua noa !! O Wilikoki ke Keiki Alii o Kapalama i keia la. He hookahi wale no wahi lawehala i hopu ia ma nehinei. E noho ana ka papa elele o ka Oihana Kinai Ahi i keia ahiahi. Aloha no oe e ke Kiai o na powa—Pehea ko wahi opu i keia kakahiaka—naluea paha ea ? A keia pule ae e lohe ia mai ai na mea hou e pili ana i ke koho balota o na mokupuni. Piha hauoli lua no hoi ka ike ana aku i na elemakule o ka aoao Lahui ua koho lokahi ia lakou. Apopo e ku mai ana ka mokuahi Auseteralia mai Kapalakiko mai, me na mea hou makamaka loa, Aloha no oukou e Aki ma, Kaaukai ma Kaulukou ma a me Kane ma—i ka haule ana ika hopewaa, Ua kipa mai ka Moho Hanohano o ka Apana o Kaiahamauleo ma ko makou Keena nei i keia kakahiaka. Ua loaa mai nei ia makou he lono, me he la e pau loa ana no na moho o ka aoao Lahui i ka puka mai ma ka Mokupuni o Hawaii, E hoi mai ana o Hon. C. W. Akepoka, ka Loio Kuhina o ke aupuni i ka pule hope paha o keia mahina. Ke haawi aku nei ka Ahailono i kona hoomaikai palena ole i na kanaka a pau i ho-o i ko lakou balota no ka aoao Lahui ma nehinei.