Ahailono o ka Lahui, Volume I, Number 14, 25 January 1890 — Page 3
HIS NAME IS MUD.
-------
To the Editor of the National Herald:
DEAR SIR :- -I wish you to allow me to refer in a few words to the man qualified by the above head line, the leading orator of the so-called reform party at their meeting held at the Armory last Monday evening, viz: Mr. Wm. C. Wilder. The filthy, “mud slinging” and ungentlemanly villification which characterized his speech—which did not have even the extenuating feature of being an extemporaneous out-burst— has hardly ever been excelled in America or elsewhere. But that his vulgar diatribe was interlarded with frequent applause by a presumably intelligent and respectable audience —in fact the elite of the reform party—is a disgrace to the citizens of Honolulu and shameful parody on the word “reform.” Who is Mr. Wilder that he dares thus to sit in judgment on his fellow-men ? If his character is to be judged by his speech, he is unfit for the high position of a Noble of this Kingdom to which he aspires; and it is a reasonable presumption that but for the affluence he has acquired through his brother’s indomitable energy, he would still be working for less wages than our dock laborers get.
His attack upon the personality of every candidate of the National Reform party—as the utterance of his own rude and untutored self, would be unworthy of further thought or notice; but coming from an acknowledged and respected (!) leader of a party which claims to be the only clique that knows how to behave themselves and how to conduct Hawaiian affairs, it calls for this comment, that if this be a sample fo their general behavior it will be far better for the whole community, that this clique be utterly crushed and annihilated. Whatever may be the politics, the public want as the elect of the people, gentlemen.
KAMAAINA.
------------------
NA MANAO PEPA.
---------------
KA AHAILONO A KA LAHUI.
-----------------
HONOLULU, IANUARI 25, 1890.
------------------
O KELA a me keia kanaka e makemake ana e lanakila na kanaka hana, e pono ia oukou e koho i ka paa balota o ka aoao Lahui.
---------------------
O ka makou mau moho ua makemake ia e hoohana a e kokua ikaika i na hana a pau e pomaikai ai na Limahana. – Kumuhana Aoao Lahui.
---------------------
O KA ohana a me ka poai i kapa iho ia lakou he maemae a he hemolele, ke ike ia aku nei iloko o keia mau la ua pau ko lakou hilinai ia e ka lehulehu!
---------------------------
AKAHI no ka a ike o W.O. Kamika i ka pono o ke kaukai aku o kahi pono maluna o ka Ahaolelo o ka aina o keia mua aku. O ka pono no paha ia —me he la no hoi oe akahi a ike. He oiaio ua pau loa kou hilinai ia ana e ka lehulehu, a me ou mau hoa pu hoi kekahi!
ME he la aia na kanaka ma ka aoaoa o Buki a me ka ELELE ,- -o ka laua mau alakai ana aole he kaulike, aka, na keia kau koho ae e hoike mai—wahi a ka nupepa Advertiser. Pololei oe e kena nupepa, he oiaio ma keia kau koho balota ae e ike ai oe e puehu ana ka hapanui o na kanaka i ke koho i ka balota o na moho o ka aoao Lahui i lohe
oe !
---------------------
E hoohiki paa ana ka makou mau moho e paa, a e hoomau i ke kuokoa o ko Hawaii Paeaina— Kumuhana Aoao Lahui.
---------------------
HU ka aka i kahi moho o ka aoao Hoomaemae o ka Apana Koho Ekolu, oia o M.A. Gonsalves, oiai ma kana haiolelo ana imua o na Pukiki i kela po aku nei, ua ane hiki ole iaia ke kamailio pono aku imua o ke anaina, a no ia kumu ua ulu mai la na leo uwauwa e hooho ae ana “e pono ia oe e Gonsalves e hoi e kuai i na eke uwala kahiki au!”
KA LA.
----------
I kela a me keia la, ke lohe mau ia aku nei na ninau e ulu nui mai nei, o kela a me keia ano no na mea e ulu mai ana a e hana ia ana paha ma keia kau koho ae. A o ka hapanui nae o keia mau ninau mai ka aoao mai no ia o ka lehulehu. O keia mau hoohalahala ana, aia no ia maluna o ka poe nana e alakai nei i ka aoao Aupuni, a me na poe hoi a ke aupuni i koho aku ai, a mau agena paha oia aoao, oia hoi, na poe e hoohulihuli nei no na moho balota oia aoao, a o ole ia maluna paha o na paalalo waiwai o ka aoao o ke aupuni. He oiaio, he nui no na kumu hoohalahala i hiki ke hooia ia aku ua pono a ua pololei loa, oiai ua hooia maopopo mai no kekahi poe o ia aoao i ka oiaio o keia mau mea a lakou i hana ai i ka manawa a lakou i hana ai i ka manawa a lakou i ike ai ua kupilikii loa, a i ka manawa hoi i hoohuioi ia aku ae e kekahi poe i manao ia he mau hoaloha lakou no ko lakou aoao, oia hoi ka aoao o ke aupuni, ua hooia mai la no lakou i keia mau hoohalahala ana a ka lehulehu ua pololei.
Malia paha he mau mea hou maikai keia ke hoike ia ae iloko o keia manawa, oiai o na koho balota kaulike ole a lehulehu wale i hana ia, na ka aoao wale no ia o ke aupuni a me na poe a ke aupuni i hoolimalima aku ai no ke kue ana mai i ka lahui Hawaii. I ka manawa mua a na hui i kukulu ia ae nei, oia hoi ka Hui Mekanika a me ka Hui Kalaiaina, ua hoao mai la na alakai o ka aoao aupuni e hana i kekahi mau mea e hoohiolo ia ai ke komo ana a na kanaka iloko o keia mau Ahahui, a ua hooikaika nui no hoi lakou e hooko i ko lakou mau iini, aka nae, ua haulehia nui iho la, a ua ike ia kela mea e oukou a pau loa. I ko lakou ike ana aole e hiki, ua hoao hou ae la no kekahi mau paalalo oia aoao, oia hoi kela auna kalai aupuni o alanui Moiwahine, me ko lakou manao ana ma ia hana e hiki ai ke hookahuli ia keia mau Ahahui. O ka lakou poe i makau nui ai oia no na kanaka Hawaii a ua manao lakou e waiho mai i na hoomalimali a me na pelo ana i na kanaka, malia o puni aku lakou ia lakou, a pela pu hoi me na haole e maalo ae ana ma na alanui, ilaila aku la lakou e malimali ai me na wahi pakali a lakou. O keia ae la na hoohulihuli ana a na paalalo o na poe mahiko!
Ua haulehia iho la no na mahiko, a o ka manao hoi o na kalai pili aupuni o Alanui Moiwahine no keia wahi kumu uuku wale iho no, penei: Ua kuni paa loa ia na hana kumakaia a ka aoao a lakou e kokua aku nei iloko o na puuwai o kela a me keia kanaka Hawaii, a no ia kumu ua halahu ko lakou mau iini me ka hoka ino loa! Mai manao iki oukou i kanaka Hawaii he poe naaupo, e like la me na poe mahiko a me na alakai o ke aupuni, aole loa! Ua hoole aku lakou i na pelo a me na hoomalimali a keia poe, a ke hoomau nei no lakou i ko lakou hoole ana aku i ka lakou mau pelo ana a hiki loa mai no hoi i keia la, a hiki aku no paha i ka manawa pau ole. He oiaio aole no paha he lahui e ae i ike ia ma ke ao holookoa ka nui o ka hoomanawanui e like la me ka lahui Hawaii, ua manao no na alakai a me na paalalo o ke aupuni e huli aku ana na kanaka ma ko lakou aoao a koho aku paha i ka lakou mau moho o keia kau e like no me ka mau, aole loa! He moeuhane palaualelo kela a na alakai o ke aupuni o ka manao ana ae pela, oiai ua poina koke nui iho la no ka paha i ka lakou mau hana kumakaia i hana nui iho nei i na kanaka Hawaii i ka makahiki 1887, a ua poina hou nui iho la no ka paha hoi i kela hana ino a lakou i hoao nui iho nei e hoolilo aku i ke kuokoa o ka aina, a o ke aupuni Hawaii hoi, ka pono pili paa hoi o ke kanaka Hawaii mai ko lakou mau kupuna mai!
Ua aki iho la na kui o lakou i ko lakou ike ana aole wahi mea a puni iki o na kanaka i ka lakou mau pelo ana, a ua hoao nui iho la e hana hou i kekahi hana e hooi ia aku ai ko lakou makona ia e na kanaka, oia hoi ma ka lawe hou ana mai i kekahi mau hana imua o ka lehulehu, i kumu paha no lakou e lanakila ai. Ka mua, ua hoao iho la lakou e koho mai i kekahi mau wahi kanaka aloha ole i kon amau hoa kanaka, i mau moho no ko lakou aoao. Ka lua, oia ko lakou hoolimalima ana ae i kekahi mau hapa haole a mau kanaka e hele e hooikaika i na kumuhana a lakou, a na wahi kanaka hoi i holo aku nei ma keia aoao a ku mai he moho no ke aupuni. Ke kolu, ka hoolaha hoopunipuni ana aku nei a lakou ma na aina e no na moho a ka lehulehu i koho iho nei no lakou; a o ke eha, o ko lakou hana i kekahi kanawai pelo a kue hoi i ka hapanui o na kanaka Hawaii i kupono i ke koho balota, i kumu e haulehia ai na kumuhana o ka Aoao o ka Lahui, a e kaupale aku paha i na haole i manao e koho i na moho a ka aoao o ka lehulehu e ohohia nei.
O na hana kalai pili aupuni i hana ia e na hoaloha haole o na kanaka Hawaii i kue i ko lakou makemake, oia kekahi hana lapuwale loa i hana ia. He oiaio oia no ke kuko a me ka iini o na poe i makemake e kokua i ka waiona waikeke, kopaa, a me ka poe haipule, o ka hoohui pu ae i keia mau mea a hookahi a o keia ae la na kumuhinu, i ku like aku ke ano me na poe o ka poai no lakou ka moolelo kaulana loa o ke au i hala iho la. Ke lohelohe ia mai nei, ke hoao nei kekahi mau paalalo o ka aoao aupuni e hana i kekahi mai hana kaulike ole i ka poe e hele aku ana e hoopaa i ko lakou mau inoa imua o na papa nana kupono koho balota, a o kekahi poe kanaka hoi ua kii ia aku e hele mai e hoopaa i ko lakou inoa, aka nae, ua hoole mai la lakou, aia a uku i na auhau o lakou, alaila ae e hele. Heaha la ka pono o keia kanawai koho balota a ke Kuhina Kalaiaina, ina pela e e pakike wale ia mai ai no e kanaka?
Aole o makou makemake i ka nema aku i keia ano hana, oiai aia no na kanaka ma ka aoao o ka Lahui, aka, he elua mau manao o loko o ekia penei: Oia no ko lakou hoao ana e hoopau i ka hilinai ia o ka aoao o ka Lahui, a me ke ohohia nui hoi e na kanaka Hawaii ma ia aoao: ua hoao mai la no hoi lakou e haawi mai i na wahi kipe mailuilu a lakou no na mana koho a na kanaka, ma ko lakou uku ponoi ana ae i na auhau. He oiaio, ma na hana kalai pili aupuni na hiki loa i na poe kalai pili aupuni o alanui Moiwahine a me na moho o ka aoao aupuni a lakou e painuu mai nei, ke kuai i na mana koho o na kanaka ma keia ano mahope iho nae o kapuni ole ana mai o na kanaka i ka lakou mau mali ana; a ua hoomahuahua loa ia ae nei ko lakou inaina i na kanaka no keia kumu, oiai ma kela koho balota ana aku nei ua koho na kanaka ma ka aoaoa o ke aupuni!
Aka, o keia mau hoao ana a ke aupuni e hoohiolo i ka aoao o ka Lahui, loaa hou no kekahi mau kina’una’u hou ma ia aoao. O ke kanaka e kuai ana i kona mana koho no ke dala, o kekahi hana lapuwale loa kela ana e hana ai, oiai o ka manawa hope loa no keia e hiki ai ke hoopakele ae i ka aina i hooili ia mai ai ia oe e ke kanaka Hawaii e kou mau kupuna, a o ka lilo ana aku oia wahi kuleana hookahi ou no na wahi dala auhau o ka makahiki hookahi, he kumakaia kela i kou aina makuahine. Ke kau leo ia aku nei na kanaka Hawaii e hoomaopopo pono iho i kela a me keia puu make a oukou i ike nui iho nei, i hana ia e na poe e noho mana mai nei iluna o ke aupuni a me na paalalo o lakou. A o ka makou leo paipai nui ia oukou e na kanaka Hawaii, e uku ae i ko oukou mau auhau a e hele koke ae e hoopaa i ko oukou mau inoa, i loaa ka mana e hiki ai ke koho i na moho a ka aoao Lahui, ka poe hoi nana i hoopau ae i na hana hookaumaha a ku ke ahua; a oia mau moho auanei ka poe nana e hooikaika e hoomau ia aku i kou noho kuokoa ana e ke kanaka Hawaii no ke ao pau ole!
Ua olelo ae nei ka hapanui o na makaainana e noho la ma ka mokupuni o Hawaii aole i pono ka hoao a me ke kaili ana o keia poai i ke aupuni a lakou hoi i alake ae nei a hookele. Ua hewa loa kela hana ana ma ona iho; a ua hooi loa ia aku hoi ko lakou ino ma ko lakou mahelehele liilii ana ae i na oihana aupuni iwaena wale iho no o lakou—Pololei!
HE mau la ae nei i hala ua hoao mai ka aoao aupuni e kauhihi ae i ka hewa o kela kipi o ka makahiki 1887 maluna o na poohiwi o na Mekanika a me na limahana o Hawaii. Ina hoi ha na lakou i hana i kela hana, heaha la hoi ko lakou mea i noho mana ole ai maluna o ke aupuni i keia la? A lilo aku hoi ka hooponopono ana i ke aupuni ia Kakina ma, Akepoka—Aukina me Lowela ma a pela wale aku!
KE noi aku nei makou i kela a me keia ano kanaka e noho nei ma ke aupuni Hawaii, e hoomanao iho oukou i na hana pili kalai aupuni ano nui a keia poai e noho mana nei maluna o ke aupuni i keia la, i ka manawa a lakou i kaili aku ai i ke aupuni a lilo iloko o ko lakou mana i ka makahiki 1887, a aole no hoi oukou e hoopoina iki i na olelo a me na mea i kakau a hoolaha inoino ana a na paalalo a lakou mahope mai nei!