Ka Nupepa Kuokoa, Volume LVIII, Number 13, 2 April 1920 — KA HOOMANAO KENEKURIA MISIONARI [ARTICLE]

KA HOOMANAO KENEKURIA MISIONARI

Aole he Haha" aiio nui e ae ilia ka nioolelo o keia mau paemoku, elike Ia n*e na hana hoomanao, no ka piha ana o ka liookalii haueri niakahiki, o ka hoea mua ana mai o na misionari i % Hawaii nei, a na makaainana o kei& Teritore, e huliamahi ai ma ke komo kjno ana aku iloko o na hana o kā pule kenekulia e hoea mai ana, a keia pepa e nonoi aku nei i na Hawaii apau, a hoea mai i na la i hookaawaleia rio na hana hoomanao kenekulia, e hoike i ko kakou mau manao ohohia, ma ko hoea kino ana ae ma ia māu hana, no ka mea, aole e oili hou mai ana he manawa o keia ano ma keia mua aku, o keia wale no. Ua nana mai na malihini o Amerika i keia hoomanao kehekulia, ma ke ano he mea ano nui ia ma ka moolelo o Hawaii nei; ae he mea nui i'o no, oiai, o na misionari i hoea mai no keia ipau paemoku, ka poe na la'kou i waele ae i ke alanui a malaelae, no na pono ame na pomaikai a kakou e hauoli nei.i keia la. O na anoano o ka euanelio i luluia iho e na misionari, ua kupu ae ia ahiki i ka palahalaha ana aku, e hoauhee ana i ka pouli o ka noho pekana ana o keia lahui, kanaka, iloko o na hana hoomanakii, a i ko ike moakaka ana aku i ka lama-ku o ke ola ma o ke Keiki Hipa la; no ua malamalama la, e lilo ai na mea apau i poe hoike ae i na manao hauoli, ma keia hoomanao kenekulia ana. He hookahi haneri makahiki i kaahope aku la, i hoea mua loa mai ai na misionari i Hawaii nei; eiai nae, ua pau ka lakou mau hana, ua hoomaha ko lakou luhi, ke ku nei na kiahoomanao o ka lakou mau hana mahope nei, e kuhikuhi mau ana maluna 0 lakou; a iloko auanei o na hana hoikeike, n J ka'ihuaka'i hoomanao, amē na hai#U no apau i hoolalaiia no ka pule holookoa, me he mea la, o kela mau misionari pu no kekfthi iloko o ia mau hana apau, no ka mea aia imua o ka kakou mau hoomanao ana, ka.lakou mau liana kilakila a pookela loa, 1 hana mai ai no Hawaii. Ina aia he mau aw'awe'a o na hana o ke au pouli iwaena o keia lahui kanaka, e koe nei i keia la, ea, e hoomanao i na misionari ame ka lakou mau hana; e kiola loa aku ia mau hana o ke au pouli, a e hoike ia kakou iho, he poe no ke au malamalama, a he mau hua no na hooikaika ana a kela mau misionari.